FANDOM


თბილისის ფორუმი — ყოვლისშემძლე ტიმოთეს მიერ 2001 წელს დაარსებული ინტერნეტ-ფორუმი. წარმოადგენს all in one ტიპის საიტს და ზოგიერთი ექსპერტის აზრით, სოციალური ქსელების კარგი სუროგატია.

ისტერია Edit

ნძრავაEdit

აწყობილია IPB სისტემაზე, რომელიც იმ დღიდან არც განახლებულა. უფრო სწორად - არ განახლებულა ტიმოთეს მიერ და მის ქვედა ნაწილში ამაყად წერია, რომ ეს არის 1.3 ვერსია (სულ ბოლო არის 4.1.19.4). ამის გამო ფორუმი ხშირად ჭედავს, ხოლო გამართლების სახით უმაღლესი ქურუმი ვულფსპელი და მისი ზემდგომი, უკვდავი ტიმოთე, იშველიებენ არგუმენტს, თითქოს ავატარების ზომაა დიდი ან სიგნატურების ზომაა ზედმეტად არარეალური.

ეს ვითომ ისტორიაEdit

ვიკიპეძიკებმა ადრე დაწერეს ბუნდოვანი სტატია ფორუმის ისტორიაზე, რომლის მიხედვით:

ფორუმის დამფუძნებელი "TI Service"-ში მუშაობდა. ჰოსტინგიც ამავე ფირმის იქნა გამოყენებული და ფორუმის პირველი მისამართიც შესაბამისად ასე გამოიყურებოდა: forum.ti.net.ge.”თბილისის ფორუმის” პირველი დარეგისტრირებული მომხმარებლებიც (და შემდგომში მოდერატორებიც) მისი თანამშრომლები და მეგობრები აღმოჩნდნენ. მოგვიანებით ტიმმა შენიშნა, რომ ფორუმზე უკვე მისთვის სრულიად უცნობმა ხალხმა დაიწყო რეგისტრაცია და წერა, რითიც ძალიან გაკვირვებული დარჩა. პერიოდულად ფორუმის სტრუქტურა დაიხვეწა და თემატურად ჩამოყალიბდა.

2001 წლის ზაფხულშივე მოეწყო პირველი შეკრება, რომელსაც ესწრებოდნენ პირველი მომხმარებლები (ტიმი, GT, Iron Maiden და სხვები). მეორე შეხვედრა სექტემბრის თვეში შედგა. მოგვიანებით ასეთი სახის შეკრებები ტრადიციად იქცა, თუმცა ცვალებადი სიხშირით.

ატძილენიებიEdit

General DiscussionEdit

მიუხედავად ფორუმის ინტერფეისის გაქართულების და ძირითადი სასაუბრო ენის სახით ქართულის გამოყენებისა, ეს განყოფილება, როგორც ჩანს, განკუთვნილია უცხოელთათვის. ამიტომ სახელი არასოდეს ეცვლება. ამჟამად ატარებს დაახლოებით იგივე სახეს, რაც ქვემოთ მოცემული ემბრიონის სტადიაში - ანუ განიხილება საჭირბოროტო საკითხები, იპარება რაღაც ნაგავიც, მაგრამ თვალის ერთი გადავლებით, განყოფილება უფრო მშვიდია.

უსათაუროEdit

უცნაურია და არ დაიჯერებთ, მაგრამ იყო დრო, როდესაც უსათაუროში ფრიად ინტელექტუალური თემები იხსნებოდა. მაგალითად, „მინდა ვიყო სარიშვილი“, „ Who's The Sexiest Person Of All Forum.Ge's Members?“ და „ცოტა რამ ბუზის შესახებ...“. უფრო გვიანდელ პერიოდში, წლების შემდეგ - „რას ფიქრობ ადამიანზე შენს ზემოთ“, „კომუნისტური სიმღერები მეჩაიე გუგულიზე“ და „ექსელი უფრო და უფრო მაშტერებს“. კიდევ უფრო გვიან - „Kvelaze Efeqturebi“, „მძღნერიანი თემები“ და სხვები. და ბოლო პერიოდში - „Tim გადადექი “, „ბიჭო, ვაბშე მე რომ დამნიშნოთ მოდერად?“ და „რა დავაშავე ამის დედაც? “. დეგრადირება სახეზეა.

ფორუმის შესახებEdit

აქ იწერება კითხვები ფორუმის შესახებ, მაგრამ გარდა ამისა - პრეტენზიები მოდერატორ-ადმინებთან. ზოგიერთი, ვინც არ იცის, სად გახსნას თემა, ხსნის ამ განყოფილებაში (მაგ. „როგორ ჩავწერო Windows 7“). ამ განყოფილებას აგრეთვე აქვს ორი ქვეგანყოფილება - „სენატი“ და „პირადი თემები“. პირველი არ ფუნქციონირებს 2014 წლიდან, პოსტვა მასში დაბლოკილია. განყოფილება განკუთვნილი იყო მოდერატორთა შეკრებებისთვის და განხილვებისთვის. ხოლო მეორე განყოფილებაში, როგორც გვაუწყებს ჰედერი, „შესაძლებელია ე.წ. პირადი (კერძო, დახურული) თემების გახსნა, რომელთა ნახვა და გამოხმაურება ავტორის გარდა მხოლოდ ადმინისტრატორს, სუპერ მოდერატორ(ებ)ს, მოდერატორებს, კო-მოდერატორებს და ჰონორარ მემბერებს შეეძლება. შესაბამისად დანარჩენ მომხმარებლებს არ შეეძლებათ თემის წაკითხვა. აქ არსებული თემების სია ფორუმის ყველა მომხმარებლისთვის ინდივიდუალურია. ზემოთხსენებულ განყოფილებაში თქვენ გაქვთ უფლება თემა გახსნათ მაშინაც კი, როდესაც ფორუმზე გადევთ ბანი.“

პოლიტიკაEdit

უდაოდ, ყველაზე ცხარე დისკუსიების შემცველი განყოფილება. რა თქმა უნდა, აქ უკვე მრავალი წელია, განიხილავენ არა მხოლოდ პოლიტიკას, არამედ სოციალურ მოვლენებს, შემთხვევებს... ამ განყოფილების სრული სილამაზე აღწერას არ ექვემდებარება, თავად უნდა იხილოთ.